Phir woh mere khwab mein aaya...

pehli baar jab maine usse apni godh me liya tha
laga jaise ye jannat se aaya koi behrupiya tha

dekha palken utha ke prashn-bhari aankhon se
'toh aap bhi chale aaye aaj milne mujh se!'

par kuch hi kshan me vo apne khayalon mein laut chala
ke jaise soch raha ho 'kya inse manoranjan hoga bhala?'

mein bolun, to meri aavaz usse kheenche
jaise koi bhoola hua khwab phir usne seenche

pal bhar me khel, pal bhar me hasi
pal bhar ka ho bhram, pal bhar me udasi

har pal ek nayi koshish,
har baar ek nayi harkat
man me jaise laakhon chahat,
har pal liye ek naye karvat

masti-khor ka khitab tha paya,
dekhte hi dekhte phir buni maya,
khushiyan thi jis pal se vo aaya
sab ke khayalon me tha vo chaaya

adharon par aadhi muskaan,
jaise ham par hua tha vo meharban
par soch liya tha usne aaj, ek
muskaan ke liye karega pareshan

apni aankhon se batiyaye koi nayi masti
jinko kabhi na sujhti koi susti
har baar jiske jaal mein phasti, jag mein,
jug mein, kahin na dekhi ho aisi hasti

jiski us pehli muskaan se mein prerit
jiski har dhrashya se mein dhravit
jiski har natkhat ada pe mein mohit
vo tha pyara krishna-sanchith

Comments

Anonymous said…
awesome... tooo much :-).. for a person like me, who can't even write 4 lines together this is just not "too" much but "a million" much :-)
Anonymous said…
Luv it... lucky boy jiske liye tune ye likha...

Popular posts from this blog

yeh ishq nahi aasaan..

Welcome February!

bas aaj itna hi..